ការប្រកួតក្របខណ្ឌ La Liga ថ្ងៃអាទិត្យ ទី៩ ខែកុម្ភៈ ឆ្នាំ២០២៥ ដែលជាជំនួបរវាង Sevilla និង Barcelona នៅកីឡដ្ឋាន Estadio Ramón Sánchez Pizjuán ។ 

Sevilla បានបន្តមិនស្គាល់ចាញ់សោះនៅក្នុងក្របខ័ណ្ឌកំពូលរបស់អេស្ប៉ាញដល់ទៅ ៤ប្រកួតជារួម បន្ទាប់ពីទទួលបាន ១ពិន្ទុស្មើជាមួយ Getafe 0-0 ក្រៅដី។ ក្នុងចំណោម ១១ប្រកួតចុងក្រោយក្នុងលីគ Sevilla ឈ្នះតែ ៣ប្រកួតប៉ុណ្ណោះ រួមជាមួយនឹងស្មើ ៤ប្រកួត ខណៈដែលចាញ់ដល់ទៅ ៤ប្រកួតផងដែរ។

ចំណែកឯ Barcelona ហាក់ ដូចជាមានទម្រង់លេងល្អឡើងវិញ បន្ទាប់ពីកត់ត្រាជ័យជំនះជាប់ៗគ្នាលើ Valencia និង Alaves ក្នុង លទ្ធផលឈ្នះ ៧-១ និង ១-០ ។

យ៉ាងណាមិញ អ្វីដែលសំខាន់បង្ហាញថា ក្រុមភ្ញៀវចាញ់តែ ២ប្រកួតប៉ុណ្ណោះ ចំណោម ១៤ប្រកួតកន្លងមកក្នុងលីគ ដោយឈ្នះដល់ទៅ ៩ប្រកួត ដូច្នេះក្រុមភ្ញៀវនៅតែមានទំនុកចិត្តឈ្នះខ្ពស់ ឈានចូលក្នុងការប្រកួតនេះ។

ការព្យាករណ៍ : Barcelona ឈ្នះ រាល់ជំនួប ៦ប្រកួតចុង ក្រោយ ទល់និង Sevilla។ ដូច្នេះជម្រើសចម្បងរបស់យើងនៅក្នុងការប្រកួតនេះ គឺ Barcelona ឈ្នះ។ Correct Score: Sevilla 0-២ Barcelona៕