Spurs បានចុះហត្ថលេខាលើខ្សែប្រយុទ្ធសញ្ជាតិបារាំង U21 Mathys Tel ពី Bayern Munich ក្នុងលក្ខខណ្ឌខ្ចីជើង

Mathys Tel វ័យ ១៩ឆ្នាំ ត្រូវបានរាយការណ៍ថាបានបដិសេធ Spurs កាលពីដើមខែនេះ ប៉ុន្តែឥឡូវនេះនឹងផ្លាស់ទៅកាន់ក្លឹបភាគខាងជើងទីក្រុងឡុងដ៍ ដោយភ្ជាប់ជាមួយនឹងជម្រើសក្នុងការទិញគាត់នៅរដូវក្តៅក្នុងតម្លៃ ៤៥លានផោន។

Tel បានបង្ហាញខ្លួន ៨៣ប្រកួត ឱ្យ Bayern ចាប់តាំងពីផ្ទេរពីក្លឹបបារាំង Rennes ក្នុងឆ្នាំ២០២២ ដោយស៊ុតបញ្ចូលទីបាន ១៦គ្រាប់ និងបញ្ជូនបាល់ឱ្យមិត្តរួមក្រុមចំនួន ៧ដង។

កាលពីថ្ងៃចន្ទសប្តាហ៍នេះ Spurs ក៏បានដាក់សំណើ ៧០លានផោន ដើម្បីទិញយកខ្សែការពារកណ្តាលសញ្ជាតិអង់គ្លេស Marc Guehi ក៏ប៉ុន្តែត្រូវបាន Crystal Palace ច្រានចោលសំណើនេះ។

ក្រុមរបស់លោក Ange Postecoglou ឈរនៅលេខ១៤ ក្នុងតារាង ប៉ុន្តែបានឡើងទៅកាន់វគ្គ ១៦ក្រុមចុងក្រោយពាន Europa League និង Carabao Cup វគ្គពាក់កណ្តាលផ្តាច់ព្រ័ត្រផងដែរ។

Spurs នឹងធ្វើដំណើរទៅកាន់ទឹកដី Liverpool សម្រាប់ការប្រកួតជើងទីពីរ នៃវគ្គពាក់កណ្តាលផ្តាច់ព្រ័ត្រ នៅថ្ងៃព្រហស្បតិ៍ជាមួយនឹងរក្សាបាននូវការនាំមុខ ១-០ កាលពីជើងទីមួយផងដែរ៕

ព័ត៌មានទាក់ទង

៣០ឆ្នាំមុន ថ្ងៃនេះ៖ វីរៈបុរស René Higuita ធ្វើឲ្យពិភពលោកភ្ញាក់ផ្អើល​

៣០ឆ្នាំមុន ថ្ងៃនេះ៖ វីរៈបុរស René Higuita ធ្វើឲ្យពិភពលោកភ្ញាក់ផ្អើល​

វិភាពការប្រកួតរវាង អាម៉ានៀ vs ព័រទុយហ្កាល់​

វិភាពការប្រកួតរវាង អាម៉ានៀ vs ព័រទុយហ្កាល់​

ក្លិប Borussia Dortmund ចំណាយប្រាក់ ២៧លានអឺរ៉ូ ដើម្បីនាំយកខ្សែប្រយុទ្ធ Fabio Silva របស់ក្លិប Wolves​

ក្លិប Borussia Dortmund ចំណាយប្រាក់ ២៧លានអឺរ៉ូ ដើម្បីនាំយកខ្សែប្រយុទ្ធ Fabio Sil...​

ចូលទៅកាន់ ហ្វេសបុកផេកពួកយើង

ទំព័រដើម ផ្សាយផ្ទាល់ ព័ត៌មាន ទំនាក់ទំនង