Kylian Mbappe បាននិយាយថា សុបិនកាលពីកុមារភាពរបស់ខ្លួនក្នុងការចូលរួមជាមួយ Real Madrid បានក្លាយជាការពិតហើយ ខណៈពេលដែលគាត់បានបង្ហាញខ្លួននៅកីឡដ្ឋាន Bernabeu។ 

ខ្សែប្រយុទ្ធសញ្ជាតិបារាំងវ័យ ២៥ ឆ្នាំរូបនេះ បានចុះហត្ថលេខាលើកិច្ចសន្យារយៈពេល ៥ ឆ្នាំ ជាមួយក្លឹបកាលពីខែកក្កដា បន្ទាប់ពីការផុតកំណត់នៃកិច្ចសន្យារបស់ខ្លួនជាមួយ Paris St-Germain។ 

ការបង្ហាញខ្លួនរបស់ Mbappe ត្រូវបានពន្យារពេលដោយសារតែការចូលរួមរបស់បារាំងនៅ Euro 2024 ដែលពួកគេត្រូវធ្លាក់ចេញពីវគ្គពាក់កណ្តាលផ្តាច់ព្រ័ត្រដោយចាញ់ អេស្ប៉ាញ។

ប៉ុន្តែដោយនិយាយទៅកាន់អ្នកចូលរួមទស្សនាជាង ៨០,០០០នាក់ នៅកីឡដ្ឋាន Bernabeu, Mbappe បានប្រាប់អ្នកគាំទ្រថា គាត់តែងស្រមៃអំពីពេលដែលគាត់អាចហៅខ្លួនឯងថាជាកីឡាកររបស់ Real Madrid។

Mbappe បាននិយាយថា៖ “ខ្ញុំបានចំណាយពេលពេញមួយយប់ស្រមៃមិនឈប់អំពីថ្ងៃមួយ ដែលបានលេងឱ្យ Real Madrid ហើយថ្ងៃនេះខ្ញុំជាមនុស្សរីករាយម្នាក់។ “គ្រួសារ ខ្ញុំ សប្បាយ ចិត្ត ណាស់ នៅ ទី នេះ ខ្ញុំ អាចឃើញ ថាម្តាយ ខ្ញុំ កំពុងតែយំ។“ វាជាថ្ងៃដែលមិនគួរឱ្យជឿសម្រាប់ខ្ញុំ ខ្ញុំបានស្រមៃពីថ្ងៃនេះតាំងពីខ្ញុំនៅក្មេង ហើយថ្ងៃនេះពិតជាមានន័យខ្លាំងណាស់សម្រាប់ខ្ញុំ៕“