Manchester United បានដាក់សំណើដើម្បីចុះហត្ថលេខាលើខ្សែការពារ Leny Yoro ពី Lille នៅរដូវក្តៅនេះ។

Yoro បានក្លាយជាខ្សែការពារកណ្តាលវ័យក្មេងដ៏ជោគជ័យម្នាក់ នៅក្នុងបាល់ទាត់អឺរ៉ុប បន្ទាប់ពីបានចូលរួមក្នុងក្រុមឈុតធំរបស់ Lille នៅអាយុត្រឹមតែ ១៦ឆ្នាំ ក្នុងឆ្នាំ២០២២។

កីឡាករសញ្ជាតិបារាំង ដែលបច្ចុប្បន្ននេះមានអាយុ ១៨ឆ្នាំ បានដើរតួយ៉ាងសំខាន់សម្រាប់ Lille ក្នុងរដូវកាលនេះ ខណៈដែលក្លឹបបញ្ចប់ក្នុងដំណែង Champions League ជាមួយនឹងកំណត់ត្រាការពារល្អបំផុតទីបីនៅក្នុង Ligue 1 បន្ទាប់ពី PSG និង Nice ។

ខណៈពេលដែល Real Madrid ក៏មានទំនាក់ទាក់ទងជាមួយ Yoro មួយរយៈមកហើយផងដែរ ក៏ប៉ុន្តែសារព័ត៌មាន Marca បានលើកឡើងថា Manchester United បានធ្វើការយ៉ាងរហ័ស និងយកឈ្នះការប្រជែងដោយការដាក់សំណើ តម្លៃលើសពីទីផ្សារ សម្រាប់ខ្សែការពារកណ្តាល ដែលគេជឿជាក់ថា មានតម្លៃប្រហាក់ប្រហែល ៦០លានអឺរ៉ូ។

Paris Saint-Germain និង Liverpool ក៏មានការចាប់អារម្មណ៍លើខ្សែការពារក្មេងជំទង់រូបនេះផង ដែលកំពុងឈានចូលដល់រយៈ ១២ខែចុងក្រោយ នៃកិច្ចសន្យាជាមួយ Lille៕