Arsenal ត្រូវបានគេរាយការណ៍ថា បានដាក់សំណើថ្មីចំនួន ៥០លានផោន សម្រាប់ខ្សែប្រយុទ្ធ Dusan Vlahovic របស់ក្លឹប Fiorentina ។

The Mirror បានអះអាងថា Lucas Torreira ក៏ត្រូវបានរួមបញ្ចូលជាផ្នែកមួយ នៃកិច្ចព្រមព្រៀងសម្រាប់កីឡាករវ័យ ២១ឆ្នាំ ដែលបានស៊ុតបញ្ចូលទីបាន ២៣គ្រាប់ក្នុង ១៩ប្រកួតនៅរដូវកាលនេះ។ Torreira បច្ចុប្បន្នកំពុងលេងជាមួយ Vlahovic ក្នុងលក្ខខណ្ឌខ្ចីជើងពីក្រុមកាំភ្លើងធំ។

នាយកក្លឹប លោក Joe Barone បានប្រាប់ Media Set ថា "យើងបើកចំហដើម្បីពិចារណាលើសំណើទាំងអស់ ដែលយើងនឹងទទួលបានសម្រាប់ Vlahovic។ 'គ្មានសំណើនៅលើតុទេឥឡូវនេះ ហើយយើងក៏មិនបានទទួលការជូនដំណឹងផ្លូវការណាមួយនៅឡើយទេ។ ចាំមើលថា តើមានសំណើណាខ្លះនឹងមកដល់៕"