អតីតកីឡាករក្លិប Manchester United លោក Gary Neville ជឿជាក់ថា​ អនាគតរបស់កីឡាករ Anthony Martial នៅឯកីឡដ្ឋាន Old Trafford អាចនឹងដល់ពេលវេលាបញ្ចប់នៅក្នុងពេលឆាប់ៗខាងមុខនេះហើយ។

ជាការពិតណាស់ នាពេលថ្មីៗនេះ ភ្នាក់ងាររបស់កីឡាករសញ្ជាតិបារាំងខាងលើ បានទម្លាយឲ្យដឹងថា រូបគេពិតជាមានបំណងចង់ចាកចេញពី Man Utd មែនទែននៅក្នុងទីផ្សារដោះដូរកីឡាករខែមករាខាងមុខនេះ ដោយសាររូបគេទទួលបាននាទីបង្ហាញខ្លួននៅលើទីលានស្តួចស្តើងពេក។

ដោយលោក Neville បាននិយាយថា៖ ប្រសិនបើ Man Utd ទទួលបានប្រាក់សមរម្យពីការលក់ Martial គឺ ពួកគេគួរតែសម្រេចចិត្តលក់។ ខ្ញុំគិតថាពេលវេលានោះបានមកដល់ហើយ។ ខ្ញុំគិតថា Man Utd មានការព្រួយបារម្ភខ្លាចលក់គាត់បានតែ ២៥លានផោន ហើយ ក្រោយមកតម្លៃខ្លួនគាត់កើនដល់១០០លានផោន ពីព្រោះគេមានទេពកោលសល្យដ៏អស្ចារ្យ ៕

ប្រភព : Sport one